O programa Abre na rede!, promovido por PuntoGal en colaboracion con Dinahosting e Cdmon, pecha despois de conceder máis de oitenta combos de dominio e aloxamento gratuitos por un ano.

Entre eles hai pequenos comercios, páxinas adicadas á cultura, iniciativas de relanzamento económico comarcal ou propostas educativas.

O programa Abre na rede! é unha iniciativa do dominio para axudar á dixitalización de pequenos negocios, profesionais ou artistas, entre outros sectores, que se viron especialmente afectados polo confinamento debido á crise da COVID-19.

Ademais, PuntoGal eliminiou temporalmente a taxa de restore para facilitar a renovación dos dominios durante este período, entre outras iniciativas para mellorar a situación durante a pandemia como o concurso en Instagram coa colaboración da Revista Vinte “Vinte Con Outros Ollos” e a participación na iniciativa do Clúster da comunicación no programa Compra do Noso, que pretende incentivar o consumo de productos feitos en Galicia.